Cashback every day

Keshbek — bu bank xaridlaringiz uchun sarflagan mablag‘ingizning bir qismini sizga qaytarib berishidir. Agar siz Ipak Yuli Bank’ning Visa kartasi orqali savdo nuqtalaridagi POS-terminalda (kafe, do‘kon, dorixona, AYoQSh va boshqalar) yoki onlayn tarzda (marketpleys, sayt, obuna va hokazo) to‘lov qilsangiz, har bir xaridingizdan 0,5% keshbek olasiz. Keshbek avtomatik tarzda yig‘iladi va muddatsiz saqlanadi. (Istisno: karta qayta chiqarilganda keshbek summasi nolga tenglashtiriladi.) 

Qaysi kartalarda keshbek mavjud 

Keshbek 4 ta karta bo‘yicha mavjud, biroq har bir karta undan qanday foydalanishingizga qarab o‘ziga xos qo‘shimcha afzalliklarga ega. 

Keshbek misollari 

    Kafeda 500 000 so‘mga tushlik uchun to‘lov qildingiz — 2 500 so‘m qaytadi. 

    1 200 000 so‘mga oziq-ovqat xarid qildingiz — 6 000 so‘m qaytadi. 

    300 000 so‘mga yoqilg‘i oldingiz — 1 500 so‘m qaytadi. 

Yig‘ilgan keshbekni qanday ishlatish mumkin? 

Keshbek Ipak Yuli Mobile ilovasidagi virtual hisobda jamlanadi. Oyiga maksimal 5 mln so‘mgacha yig‘ish mumkin. Keshbekni istalgan vaqtda yechib olishingiz mumkin — mablag‘lar avtomatik ravishda xaridlarni amalga oshirgan kartangizga tushadi. 

Keshbekni qanday yechib olish mumkin: 

1. Ilovani oching va kartangizni tanlang.

2. «Chiqarib olish» tugmasini bosing.

3. Summani kiriting.

4. O‘tkazmani tasdiqlang.

5. Karta balansini tekshiring — mablag‘lar darhol tushadi. 

Hisoblash muddati 

Keshbek to‘lovdan keyin darhol hisoblanmaydi. 

Karta orqali to‘lov qilganingizda, operatsiya avval tekshiruv bosqichida bo‘ladi. Mablag‘lar sotuvchiga darhol o‘tkazilmaydi — bank to‘lovni ko‘rib chiqadi. 

Tekshiruv jarayonida bank quyidagilarga ishonch hosil qiladi: 

- kartada yetarli mablag‘ bo‘lganiga

- savdo nuqtasi to‘lovni to‘g‘ri qabul qilganiga 

- operatsiya haqiqiy ekaniga va xatolik emasligiga 

Tekshiruv yakunlangach, to‘lov tasdiqlanadi va shundan keyingina keshbek hisoblanadi. 

Odatda bu jarayon 3–5 kun davom etadi, shu sababli keshbek biroz kechikib tushishi mumkin. Agar to‘lov muvaffaqiyatli o‘tgan bo‘lsa, keshbek bir necha kundan so‘ng avtomatik tarzda hisobingizga o‘tkaziladi. 

Keshbekni qanday faollashtirish kerak 

Keshbek hisoblanishi uchun uni bir marta faollashtirish kerak: 

1. Ipak Yuli Mobile ilovasini oching.

2. “Kartalar va hamyon” bo‘limiga o‘ting.

3. Visa kartaningizni tanlang.

4. Ekranni pastga suring.

5. “Keshbekni faollashtirish”

Qaysi operatsiyalarga keshbek tushmaydi 

— Kartalar orasidagi pul o‘tkazmalari 

— Naqd pul yechish. 

— Bankomat orqali amalga oshirilgan amaliyotlar 

— Valyuta ayirboshlash va onlayn konversiya operatsiyalari 

Visa kartalari bilan to‘lang, keshbekni avtomatik tarzda to‘plang va istalgan vaqtda ilova orqali yechib oling. Har bir kuningiz, har bir to‘lovingiz foyda keltiradi. Endi karta bilan to‘lash nafaqat qulay, balki yanada foydali 

* VISA START SUM kartasi bilan metro va avtobuslarda to‘lov qilganda kuniga 2 tagacha yo‘l haqi imtiyozli narxda amal qiladi. Keyingi safarlar karta uchun belgilangan standart tarif bo‘yicha to‘lanadi.